تجھے اے زاہد بدنام سمجھانا بھی آتا ہے
تجھے اے زاہد بدنام سمجھانا بھی آتا ہے
کہیں باتوں میں تیری رند میخانہ بھی آتا ہے
متانت آفریں نظریں کرم گستر صف مژگاں
ستم ڈھانے کو اٹھے ہو ستم ڈھانا بھی آتا ہے
انہیں نازک لبوں کو فرصت آتش بیانی بھی
انہیں نازک لبوں کو پھول برسانا بھی آتا ہے
کہو بادہ کشو کیا حال ہے فیضان ساقی کا
کبھی محفل میں دور جام و پیمانہ بھی آتا ہے
نہیں محدود احساس تپش شمع فروزاں تک
بلا کا سوز لے کر دل میں پروانہ بھی آتا ہے
فنا کا درس دیتی ہیں رہ الفت میں جو موجیں
انہیں کے پیچ و خم سے دل کو بہلانا بھی آتا ہے
انہیں اشکوں میں احساس الم کا سیل بے پایاں
سر مژگاں انہیں اشکوں کو تھرانا بھی آتا ہے
تمہیں نے لب کو بخشی ہے متاع خامشی ورنہ
زباں سے قصہ ہائے شوق دہرانا بھی آتا ہے
رضا جونپوری 
(461) ووٹ وصول ہوئے
In Urdu By Famous Poet Raza Jaunpuri. is written by Raza Jaunpuri. Enjoy reading Poem on Inspiration for Students, Youth, Girls and Boys by Raza Jaunpuri. Free Dowlonad by Raza Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends