پھر راہ دکھا مجھ کو اے مشرب رندانہ
پھر راہ دکھا مجھ کو اے مشرب رندانہ
کچھ بحث نہیں اس سے کعبہ ہے کہ بت خانہ
خم ہے نہ صبوحی ہے شیشہ ہے نہ پیمانہ
کیا جانے کہاں غم ہے تابانیٔ میخانہ
اس طرح بھی ہوتی ہے تشہیر وفا اکثر
پھرتی ہے صبا لے کر خاکستر پروانہ
کی وسعت صحرا کی قدموں نے پذیرائی
مجھ سا نہ کوئی ہوگا شائستۂ ویرانہ
ہر رند بلاکش پر گرتی ہے سر محفل
برق نگۂ ساقی پیمانہ بہ پیمانہ
عرفان طلب کہئے یا ترک طلب اس کو
منزل کا شناسا بھی منزل سے ہے بیگانہ
کچھ خار چمن کا بھی ہو ذکر چمن سازو
غنچوں کا بیاں تا کے افسانہ در افسانہ
فرزانگئی دل بھی کچھ چاہئے وحشت میں
دیوانہ سر محفل بن جائے نہ دیوانہ
تھی شمع فروزاں کی ترغیب جگر سوزی
یا آگ میں خود اپنی جل اٹھا ہے پروانہ
اسرار دو عالم کے کھلتے ہیں رضاؔ دل پر
تکوین ازل کا ہے محرم دل دیوانہ
رضا جونپوری 
(518) ووٹ وصول ہوئے
In Urdu By Famous Poet Raza Jaunpuri. is written by Raza Jaunpuri. Enjoy reading Poem on Inspiration for Students, Youth, Girls and Boys by Raza Jaunpuri. Free Dowlonad by Raza Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends