وبال جان ہر اک بال ہے میاں
وبال جان ہر اک بال ہے میاں
تعلق دل کا کیا جنجال ہے میاں
طلب میں کون دنیا کی ہو پامال
یہ بیت المال کچھ بھی مال ہے میاں
یہ کالائے جہاں کا منہ ہو کالا
اگر سمجھو تو جی کا کال ہے میاں
سنا ہوگا جو کچھ مجنوں کا احوال
وہی اپنے بھی حسب حال ہے میاں
تڑپ کر رو بہ رو ہم اس کے مر گئے
نہ پوچھو کیا مرا احوال ہے میاں
قدم رکھتے تمہارے دل تڑپ گئے
یہ کوئی چال ہے بھونچال ہے میاں
نہیں جاتا ڈفالی پن کا سودا
عجب سر پر مرے دھمال ہے میاں
کھلا کب مولوی سے عقدۂ دل
بہت یہ مسئلہ اشکال ہے میاں
اگر ہے قول تو معصوم کا ہے
سوا اس کے تو قیل و قال ہے میاں
رضاؔ کیا مل گئے اس جنگ جو سے
تمہارا آج چہرہ لال ہے میاں
رضا عظیم آبادی 
(533) ووٹ وصول ہوئے
In Urdu By Famous Poet Raza Azimabadi. is written by Raza Azimabadi. Enjoy reading Poem on Inspiration for Students, Youth, Girls and Boys by Raza Azimabadi. Free Dowlonad by Raza Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends