ہم مر گئے پہ شکوے کی منہ پر نہ آئی بات
ہم مر گئے پہ شکوے کی منہ پر نہ آئی بات
کیوں بے زبان عاشقوں کی آزمائی بات
دعوئ عشق کرنے کا کیا منہ کسی کا تھا
کم بولنے نے تیرے یہ ساری بڑھائی بات
ہم پیشگی کی مجھ سے کرے گفتگو رقیب
منہ اس کا دیکھو ہے یہ تمہاری سکھائی بات
سب کچھ پڑھایا ہم کو مدرس نے عشق کے
ملتا ہے جس سے یار نہ ایسی پڑھائی بات
اپنا کسے کہوں نہ کہوں کس کو ہے غضب
جس وقت منہ سے نکلی ہوئی پھر پرائی بات
کیا غیر نے کہا کہ لگے بدبدانے تم
میں نے بھی چھیڑنے کی نئی اب تو پائی بات
مذکورہ کل کا جانے دو ہو جاؤ گے خفا
تھمتی نہیں زبان پہ جس وقت آئی بات
مجنوں کے نام سے مرا حال اس نے تب سنا
شکر خدا کہ خوب بن آئی بنائی بات
بلبل کا نالہ آگے مرے اس طرح سے ہے
جس طرح شہریوں سے کرے روستائی بات
تقریر صاف پر جو رضاؔ کی کرے نظر
اندھے کے تئیں عجب نہیں دیوے دکھائی بات
رضا عظیم آبادی 
(450) ووٹ وصول ہوئے
In Urdu By Famous Poet Raza Azimabadi. is written by Raza Azimabadi. Enjoy reading Poem on Inspiration for Students, Youth, Girls and Boys by Raza Azimabadi. Free Dowlonad by Raza Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends