دل بتا اور کیا ہے ہونے کو
دل بتا اور کیا ہے ہونے کو
چوٹ کھائی ہے میں نے رونے کو
بے نوا خواب منتظر ہیں مرے
رات باقی کہاں ہے سونے کو
سوزن شوق کو شب ہجراں
صرف آنسو ملے پرونے کو
اپنی خوشیوں میں دوسروں کے غم
حوصلہ چاہئے سمونے کو
نہیں معلوم انتظام ہے کیا
دامن زیست کے بھگونے کو
نکہتوں کے دیار میں مجھ کو
آتشیں گل ملے پرونے کو
روز امید جاگ جاتی ہے
گمشدہ آرزو کے کھونے کو
کچھ تو احباب کام آئیں گے
کشتئ شوق کے ڈبونے کو
فکر اس کو ہو جس کے پاس ہو کچھ
کچھ نہیں میرے پاس کھونے کو
میں ہوں تنہائی کا سمندر ہے
غم کھڑے ہیں مجھے ڈبونے کو
آگہی صرف کام آئی رضاؔ
میرے داغ جنوں کے دھونے کو
رضا امروہی 
(423) ووٹ وصول ہوئے
In Urdu By Famous Poet Raza Amrohi. is written by Raza Amrohi. Enjoy reading Poem on Inspiration for Students, Youth, Girls and Boys by Raza Amrohi. Free Dowlonad by Raza Amrohi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends