کون کہتا مجھے شائستۂ تہذیب جنوں
کون کہتا مجھے شائستۂ تہذیب جنوں
میں تری زلف پریشاں کو اگر چھیڑ نہ دوں
کون حسرت زدۂ شوق تکلم ہے یہاں
لڑکھڑاتا ہے تری چشم سخن گو کا فسوں
یہ ہجوم غم دوراں میں کہاں یاد رہا
داستان غم دل تیرے تغافل سے کہوں
کیا خبر خیمۂ لیلےٰ کے نگہبانوں کو
کہ حریم دل لیلےٰ میں ہے مہمان جنوں
رنگ رہ رہ کے ترے رخ کا اڑا جاتا ہے
ورنہ میں اور تری محفل تمکیں سے اٹھوں
قید ہستی میں یہ اک گوشۂ دامان خیال
پھر غنیمت ہے کہ زنداں میں بھی آزاد تو ہوں
ہو سلیقے سے بہکنا تو مزہ دیتا ہے
مرے ساقی کو گماں ہے کہ بہت ہوش میں ہوں
جستجو کی کوئی منزل جو نہیں ہے تو نہ ہو
ہمت عشق یہ کہتی ہے کہ بڑھتا ہی رہوں
اب ترے حال پہ تجھ کو دل ناداں چھوڑا
سوچنا بھی تو قیامت ہے کہاں تک سوچوں
میں نے پہچان لیا اس کو سر بزم روشؔ
اس کی آنکھوں کو ہے اصرار کہ خاموش رہوں
روش صدیقی 
(795) ووٹ وصول ہوئے
In Urdu By Famous Poet Ravish Siddiqi. is written by Ravish Siddiqi. Enjoy reading Poem on Inspiration for Students, Youth, Girls and Boys by Ravish Siddiqi. Free Dowlonad by Ravish Siddiqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends