کیا دیکھتے ہیں آپ جھجک کر شراب میں
کیا دیکھتے ہیں آپ جھجک کر شراب میں
پیدا ہے عکس زلف معنبر شراب میں
پرتو فگن ہے چشم فسوں گر شراب میں
کیا مل گیا ہے فتنۂ محشر شراب میں
بد مستیوں کے شوق نے طوفاں اٹھائے ہیں
بیٹھے ہیں ہم بہائے ہوئے گھر شراب میں
تر دامنوں کو آتش دوزخ سے ہے نجات
جامہ ہے شور بور سراسر شراب میں
بے یار موج مے ہے رگ جاں میں نیشتر
یہ جانستانیاں ہیں مقرر شراب میں
کچھ قتل میں بھی چاشنیٔ مے ضرور ہے
قاتل بجھا کے لائیو خنجر شراب میں
شیریں کلامیاں ہیں وہاں وقت مے کشی
گویا ملا ہے قند مکرر شراب میں
کہتا ہے رنگ رخ سے ترے جوہر شراب
کھلتے ہیں حسن شوخ کے جوہر شراب میں
محروم بزم مے سے نہ پھر جائے محتسب
دے دو کوئی کباب ڈبو کر شراب میں
رونقؔ نے ان کے ہاتھ سے بزم رقیب میں
اک خون دل پیا ہے ملا کر شراب میں
رونق ٹونکوی 
(635) ووٹ وصول ہوئے
In Urdu By Famous Poet Raunaq Tonkvi. is written by Raunaq Tonkvi. Enjoy reading Poem on Inspiration for Students, Youth, Girls and Boys by Raunaq Tonkvi. Free Dowlonad by Raunaq Tonkvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends