بہت خوبیاں ہیں ہوس کار دل میں
بہت خوبیاں ہیں ہوس کار دل میں
نیا شور مچتا ہے ہر بار دل میں
بدن کو کسو اور بس مسکرا دو
اتر جاؤ اب آخری بار دل میں
ابھی میرے چہرے کی رنگت الگ تھی
ابھی ہو رہی ہے دھواں دار دل میں
نئے چاند پر اب کے صدقہ کریں گے
سلامت رہیں سب گل و خار دل میں
ہمیں رزق کی کچھ ضرورت پڑے گی
دعا پک رہی ہے گنہ گار دل میں
اذانیں ہوئیں صبح روشن ہوئی ہے
چلو چل کے سوئیں اسی یار دل میں
میں جیسے ہی اس کی گلی کو مڑا ہوں
نہ دل جیب میں ہے نہ دل دار دل میں
زمیں کی چٹائی وہ پتھر کا تکیہ
خریدار دل میں نہ بازار دل میں
مہکتا سبک سا اڑا جا رہا ہوں
جٹا ہی لیے سارے اغیار دل میں
اسے کچھ نہ ہونے کا کتنا یقیں ہے
چھپا کر رکھو یہ کلاکار دل میں
رضاؔ آزمایا ہوا ہے پرانا
چلو یار گھر کو چلو یار دل میں
رؤف رضا 
(812) ووٹ وصول ہوئے
In Urdu By Famous Poet Rauf Raza. is written by Rauf Raza. Enjoy reading Poem on Inspiration for Students, Youth, Girls and Boys by Rauf Raza. Free Dowlonad by Rauf Raza in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends