دل دکھ نہ جائے بات کوئی بے سبب نہ پوچھ
دل دکھ نہ جائے بات کوئی بے سبب نہ پوچھ
خانہ بدوش لوگوں سے نام و نسب نہ پوچھ
حد آسماں کی پوچھ زمیں کا ادب نہ پوچھ
کن منزلوں میں ہے مری پرواز اب نہ پوچھ
نان جویں کی آس بھی کیا شے ہے اب نہ پوچھ
پردیسیوں سے مشغلۂ روز و شب نہ پوچھ
بے گھر ہوئے ہیں دیدۂ بے خواب کے قتیل
اب جگنوؤں سے لذت روداد شب نہ پوچھ
تیرے لیے ہوں آئینۂ پاش پاش میں
کیا کیا ہے میرے واسطے اک تیری چھب نہ پوچھ
پیاسے ہیں جیسے ایک سمندر میں رہ کے ہم
تیرے بغیر زندگی کرنے کا ڈھب نہ پوچھ
میرے لہو ترنگ سے ٹھیرا ہے سرخ رو
کیا کیا نہ رنگ ہیں تری آنکھوں کے اب نہ پوچھ
اک شعلۂ شراب بھی ہیں آفتاب بھی
اس زمہریر میں ترے شاداب لب نہ پوچھ
ہم خود شناس بھی ہیں زمانہ شناس بھی
اس مرحلے میں جان سے گزرے ہیں کب نہ پوچھ
رؤف خیر 
(615) ووٹ وصول ہوئے
In Urdu By Famous Poet Rauf Khair. is written by Rauf Khair. Enjoy reading Poem on Inspiration for Students, Youth, Girls and Boys by Rauf Khair. Free Dowlonad by Rauf Khair in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends