ہوا کے لمس سے بھڑکا بھی ہوں میں
ہوا کے لمس سے بھڑکا بھی ہوں میں
شرارہ ہی نہیں شعلہ بھی ہوں میں
وہ جن کی آنکھ کا تارہ بھی ہوں میں
ان ہی کے پاؤں کا چھالا بھی ہوں میں
اکہرا ہے مرا پیراہن ذات
برا ہوں یا بھلا جیسا بھی ہوں میں
ہوا نے چھین لی ہے میری خوشبو
مثال گل اگر مہکا بھی ہوں میں
مرے رستے میں حائل ہے جو دیوار
اسی کے سائے میں بیٹھا بھی ہوں میں
ترس جاتا ہوں جس کے دیکھنے کو
اسی اک شخص سے بچتا بھی ہوں میں
میں جن لوگوں کی صورت سے ہوں بے زار
انہی میں رات دن رہتا بھی ہوں میں
جو میری خوش لباسی کے ہیں قائل
ان ہی کے سامنے ننگا بھی ہوں میں
سراسر جھوٹ ہے جو بات میری
اسی اک بات میں سچا بھی ہوں میں
اگرچہ فطرتا کم گو ہوں پھر بھی
جو سچ پوچھو تو کچھ بنتا بھی ہوں میں
بہت اس شہر میں رسوا ہوں راشدؔ
مگر کیا واقعی ایسا بھی ہوں میں
راشد مفتی 
(467) ووٹ وصول ہوئے
In Urdu By Famous Poet Rashid Mufti. is written by Rashid Mufti. Enjoy reading Poem on Inspiration for Students, Youth, Girls and Boys by Rashid Mufti. Free Dowlonad by Rashid Mufti in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends