عجیب خواہش
میں چاہتا ہوں
کہ میرا بیٹا
جوان ہو کر
کسی حسینہ کی کاکلوں کا اسیر ٹھہرے
مری دعا ہے
کہ یہ روایت نہ ٹوٹ جائے
اسے بھی کچھ دل کی رہنمائی میں
زندگی کو گزارنے کا شرف عطا ہو
مشین اس کو بھی بن ہی جانا ہے آخرش
بس دعا یہی ہے
کہ منطقوں اور مصلحت کی
نپی تلی زندگی سے پہلے
وہ جی کے دیکھے خود اپنی خاطر
کسی کی خاطر
وہ اپنا آپا بھلا کے دیکھے
جو اس کو محتاط بن ہی جانا ہے
اپنی نیندوں کے ضمن میں بھی
تو چاہتا ہوں
وہ چند راتیں تو ٹھنڈی آہوں کے ساتھ کاٹے
اور اس سے پہلے
کہ چاند سورج فقط ضرورت کی چیز ٹھہریں
وہ ننگے پیروں سلگتی چھت پر
کھڑا رہے اک جھلک کی خاطر
وہ چاندنی شب میں منتظر ہو کسی پری کا
خوراک کی اہمیت کا قائل تو ہو رہے گا
میں چاہتا ہوں
وہ بھوک کے ذائقے سے بھی
آشنا اگر ہو
تو کیا برا ہے
راشد جمال فاروقی 
(539) ووٹ وصول ہوئے
In Urdu By Famous Poet Rashid Jamaal Farooqi. is written by Rashid Jamaal Farooqi. Enjoy reading Poem on Inspiration for Students, Youth, Girls and Boys by Rashid Jamaal Farooqi. Free Dowlonad by Rashid Jamaal Farooqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends