آس محل
ایک رو پہلی سی چوٹی پر
جگ مگ جگ مگ جاگ رہا ہے آس محل
اونچی اونچی رنگ رنگیلی دیواریں ہیں
چاروں جانب ہر پتھر پر
مانی اور بہزاد سے بڑھ کر
نئے انوکھے نقش بنے ہیں
دیواریں ہیں کتنی انوکھی
جن میں لاکھوں طاق بنے ہیں
ان طاقوں میں میری آنکھیں
لرزاں لرزاں دیپک بن کر
ہر دم جلتی رہتی ہیں
اور یہ میرے نرمل آنسو
ڈرے ڈرے سے سہمے سہمے چہرے بن کر
جانے کس کو جھانکتے ہیں اور چھپ جاتے ہیں
بڑے بڑے آسیب زدہ ان کمروں میں
بھولی بسری یادیں اس کی
دبے دبے پاؤں چلتی ہیں
جن کی آہٹ روح کے سونے دالانوں تک
چیخیں بن کر آتی ہے
جانے کب سے آس محل سے
میں آنکھیں اور آنسو بن کر
ویراں ویراں سونا سونا
اندھا رستہ دیکھ رہا ہوں
راشد حسن رانا 
(435) ووٹ وصول ہوئے
In Urdu By Famous Poet Rashid Hasan Rana. is written by Rashid Hasan Rana. Enjoy reading Poem on Inspiration for Students, Youth, Girls and Boys by Rashid Hasan Rana. Free Dowlonad by Rashid Hasan Rana in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends