سر بسر شاخ دل ہری رہے گی
سر بسر شاخ دل ہری رہے گی
تا ابد آنکھ میں تری رہے گی
میں نے قصہ ہی پاک کر ڈالا
عشق ہوگا نہ خود سری رہے گی
عکس بنتے رہیں گے پیش نظر
صورت آئینہ گری رہے گی
سطر در سطر خوں جلایا ہے
لفظ میں روشنی بھری رہے گی
خامشی اوڑھ لی درختوں نے
آرزوئے سخن وری رہے گی
کوئی منزل تلاش لی جائے
اب کہاں تک یہ بے گھری رہے گی
باغ میں ہے قیام کا موقع
سب پرندوں سے دلبری رہے گی
کیا ہمیشہ بھٹکنا ہے مجھ کو
کیا ہمیشہ سبک سری رہے گی
زندگی سے ڈری رہوں گی میں
زندگی سائے سے ڈری رہے گی
چاند اگر ڈوب بھی گیا ماہینؔ
طاق پر چاندنی دھری رہے گی
راشدہ ماہین ملک 
(487) ووٹ وصول ہوئے
In Urdu By Famous Poet Rasheeda Maheen Malik. is written by Rasheeda Maheen Malik. Enjoy reading Poem on Inspiration for Students, Youth, Girls and Boys by Rasheeda Maheen Malik. Free Dowlonad by Rasheeda Maheen Malik in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends