اک خیال افروز موج آئی تو تھی
اک خیال افروز موج آئی تو تھی
میں نے اپنی سطر مہکائی تو تھی
تم نہیں تھے یاد تھی ہر سو محیط
میں نہیں تھی میری تنہائی تو تھی
در بدر بے پیرہن تھا خواب عشق
میں نے اس کو آنکھ پہنائی تو تھی
پھر مجھے اس نے کہا سب جھوٹ ہے
ایک لمحے کو میں گھبرائی تو تھی
دور تک بچھتا چلا جاتا تھا شوق
کچھ نہیں تھا دشت پیمائی تو تھی
کیوں مجھے دریا بلاتا ہے قریب
اس کی آنکھوں میں بھی گہرائی تو تھی
کیوں زمین و آسماں ہیں رقص میں
اور کیا تھا ایک انگڑائی تو تھی
لمحہ بھر کو ہی ڈھلا تھا آفتاب
لمحہ بھر کو راہ دھندلائی تو تھی
میں کہ حق پر ڈٹ گئی تھی راشدہؔ
اس کی باتوں میں بھی سچائی تو تھی
راشدہ ماہین ملک 
(545) ووٹ وصول ہوئے
In Urdu By Famous Poet Rasheeda Maheen Malik. is written by Rasheeda Maheen Malik. Enjoy reading Poem on Inspiration for Students, Youth, Girls and Boys by Rasheeda Maheen Malik. Free Dowlonad by Rasheeda Maheen Malik in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends