نام ہمارا دنیا والے لکھیں گے جی داروں میں
نام ہمارا دنیا والے لکھیں گے جی داروں میں
ناچ رہے ہیں اپنی اپنی لاش پہ ہم بازاروں میں
ایک پرانی رسم ہے باقی آج تلک درباروں میں
چاند سے چہرے چن دیتے ہیں پتھر کی دیواروں میں
آج کہاں ہیں شہر میں یارو اونچی گردن والے لوگ
عام ہیں اب تو پاؤں بڑے اور سر چھوٹے سرداروں میں
پار اترنے والوں کو اب دیوانوں میں گنتے ہو
شاید خوش قسمت تھے وہ جو ڈوب گئے منجدھاروں میں
کیا معلوم کوئی چنگاری جاگ اٹھے اور چیخ پڑے
بہتر ہے تم ہاتھ نہ ڈالو ان بجھتے انگاروں میں
وار پہ وار سہے ہیں لیکن ایک لہو کی بوند نہیں
جسم ہیں سارے پتھر کے یا کاٹ نہیں تلواروں میں
کانچ کے یہ چمکیلے ٹکڑے آخر خون رلاتے ہیں
دل سے سچی چیز نہ بانٹو ان جھوٹے دل داروں میں
کون تمہارا درد بٹائے کس کو اتنی فرصت ہے
نام رشیدؔ تم اپنا لکھ لو خود اپنے غم خواروں میں
رشید قیصرانی 
(599) ووٹ وصول ہوئے
In Urdu By Famous Poet Rasheed Qaisrani. is written by Rasheed Qaisrani. Enjoy reading Poem on Inspiration for Students, Youth, Girls and Boys by Rasheed Qaisrani. Free Dowlonad by Rasheed Qaisrani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends