تم پسینہ مت کہو ہے جانفشانی کا لباس
تم پسینہ مت کہو ہے جانفشانی کا لباس
دھوپ میں چلتے ہوئے رکھتے ہیں پانی کا لباس
پردہ پوشی کم سے کم ہوتی ہے ہر کردار کی
پیرہن لفظوں کا بنتا ہے کہانی کا لباس
پھر اجالے سے سفر ہوگا اندھیرے کی طرف
جب اتاریں گے بدن سے عمر فانی کا لباس
ساتھ چلتے ہیں چہکتے بولتے الزام بھی
بے شکن ہوتا نہیں یارو جوانی کا لباس
انقلاب وقت کا یہ بھی کرشمہ دیکھیے
ہے نمائش کے لیے اب آنجہانی کا لباس
مفلسی نے کر دیا ہے اس کی خودداری کا خون
وہ پہنتا ہے کسی کی مہربانی کا لباس
حکمراں تو دفن ہیں تاریخ کے اوراق میں
درس عبرت دے رہا ہے حکمرانی کا لباس
جگمگاتا ہے غزل کے جسم پر ہر دور میں
میلا ہوتا ہی نہیں جادو بیانی کا لباس
چند ساعت بھی خوشی کی اپنی قسمت میں کہاں
راس کب آیا ہے مجھ کو شادمانی کا لباس
رمزؔ وہ عہد غلامی ہو کہ دور حریت
اشتہار مفلسی ہندوستانی کا لباس
رمز عظیم آبادی 
(672) ووٹ وصول ہوئے
In Urdu By Famous Poet Ramz Azimabadi. is written by Ramz Azimabadi. Enjoy reading Poem on Inspiration for Students, Youth, Girls and Boys by Ramz Azimabadi. Free Dowlonad by Ramz Azimabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends