لہکتی لہروں میں جاں ہے کنارے زندہ ہیں
لہکتی لہروں میں جاں ہے کنارے زندہ ہیں
وجود آب کے سب استعارے زندہ ہیں
وہ ہجرتوں کی حکایت تمہیں سنائیں گے
جنہوں نے سر سے یہ طوفاں گزارے زندہ ہیں
ہمارے کرب کتابوں میں ہیں ابھی محفوظ
وہ سارے صفحے وہ سب گوشوارے زندہ ہیں
ازل سے جبر و صداقت کی جنگ جاری ہے
ابھی تلک نہیں مظلوم ہارے زندہ ہیں
مجالس ستم ایجاد کا نشان نہیں
محبتوں کے ابھی تک ادارے زندہ ہیں
جو تیرے غم میں جلے ہیں وہ پھر بجھے ہی نہیں
جب ان کی راکھ کریدو شرارے زندہ ہیں
ابھی تمہارے تڑپنے کے دن نہیں آئے
ابھی تو خیر سے خادم تمہارے زندہ ہیں
ہم اپنے جینے کا اب کیا جواز پیش کریں
کہ اب نہ ہم نہ زمانے ہمارے زندہ ہیں
ہر ایک شخص کو اس بات کا شعور نہیں
جو رامؔ حق پہ مرے ہیں وہ سارے زندہ ہیں
رام ریاض 
(611) ووٹ وصول ہوئے
In Urdu By Famous Poet Ram Riyaz. is written by Ram Riyaz. Enjoy reading Poem on Inspiration for Students, Youth, Girls and Boys by Ram Riyaz. Free Dowlonad by Ram Riyaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends