لکھ لکھ کے آنسوؤں سے دیوان کر لیا ہے
لکھ لکھ کے آنسوؤں سے دیوان کر لیا ہے
اپنے سخن کو اپنی پہچان کر لیا ہے
آخر ہٹا دیں ہم نے بھی ذہن سے کتابیں
ہم نے بھی اپنا جینا آسان کر لیا ہے
دنیا میں آنکھیں کھولی ہیں موندنے کی خاطر
آتے ہی لوٹنے کا سامان کر لیا ہے
سب لوگ اس سے پہلے کہ دیوتا سمجھتے
ہم نے ذرا سا خود کو انسان کر لیا ہے
جن نیکیوں پہ چل کر اجداد کتنے خوش تھے
ہم نے انہی پہ چل کر نقصان کر لیا ہے
ہر بار اپنے دل کی باتیں زباں پہ لا کر
ہم نے مصیبتوں کو مہمان کر لیا ہے
اکثر ہوا ہے مرنے کی مانگ کر دعائیں
پھر ہم نے زندگی کا ارمان کر لیا ہے
اک دل کے ٹوٹنے پر روتا ہے کوئی اتنا
جھونکے کو خود ہمیں نے طوفان کر لیا ہے
سوچا بھی ہے کہ دانا بننے کی کوششوں میں
کیا حال اپنا تو نے نادان کر لیا ہے
کچھ اس طرح گزارا ہے زندگی کو ہم نے
جیسے کہ خود پہ کوئی احسان کر لیا ہے
راجیش ریڈی 
(482) ووٹ وصول ہوئے
In Urdu By Famous Poet Rajesh Reddy. is written by Rajesh Reddy. Enjoy reading Poem on Inspiration for Students, Youth, Girls and Boys by Rajesh Reddy. Free Dowlonad by Rajesh Reddy in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends