کچھ اس قدر میں خرد کے اثر میں آ گیا ہوں
کچھ اس قدر میں خرد کے اثر میں آ گیا ہوں
سمٹ کے سارا کا سارا ہی سر میں آ گیا ہوں
زمیں اچھال چکی آسماں نے تھاما نہیں
میں کائنات میں بالکل ادھر میں آ گیا ہوں
یہ زندگی بھی مرے حوصلوں پہ حیراں ہے
سمجھ رہی تھی کہ میں اس کے ڈر میں آ گیا ہوں
ذرا سا فاصلہ میں نے بھی طے کیا تو ہے
اگر سے دو قدم آگے مگر میں آ گیا ہوں
مری شناخت کی خاطر چھپی مری تصویر
نہ جیتے جی سہی مر کے خبر میں آ گیا ہوں
اداس ہو گیا ہوں پھر سے اک ذرا ہنس کر
میں گھوم گھام کے پھر اپنے گھر میں آ گیا ہوں
نہ آ سکا میں ترے ہاتھ کی لکیروں میں
یہی بہت ہے تری چشم تر میں آ گیا ہوں
یہ سوچ کر کہ نہ دوں ناخدا کو یہ زحمت
اتر کے کشتی سے خود ہی بھنور میں آ گیا ہوں
چھپا نہ پایا کبھی خود کو اپنے شعروں میں
میں جو ہوں جیسا ہوں اپنے ہنر میں آ گیا ہوں
راجیش ریڈی 
(572) ووٹ وصول ہوئے
In Urdu By Famous Poet Rajesh Reddy. is written by Rajesh Reddy. Enjoy reading Poem on Inspiration for Students, Youth, Girls and Boys by Rajesh Reddy. Free Dowlonad by Rajesh Reddy in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends