غم کو دل کا قرار کر لیا جائے
غم کو دل کا قرار کر لیا جائے
اس خزاں کو بہار کر لیا جائے
پھر جنوں کو سوار کر لیا جائے
خود کو پھر تار تار کر لیا جائے
زندگی کی کمان سے نکلے
تیر کو آر پار کر لیا جائے
خودکشی کو ادھار رکھتے ہوئے
موت کا انتظار کر لیا جائے
تجربوں کو بھلا کے چاہتے ہیں
تجھ پہ پھر اعتبار کر لیا جائے
ایک ہی شخص تو جہان میں ہے
خود کو بھی گر شمار کر لیا جائے
سوچ کر اس جہاں کے بارے میں
خود کو کیوں شرمسار کر لیا جائے
اب تو لگتا دشمنوں کو بھی
دوستوں میں شمار کر لیا جائے
اشک آنکھوں میں پھر امڈ آئے
اس ندی کو بھی پار کر لیا جائے
پتھر اوروں پہ اب نہیں اٹھتے
خود کو ہی سنگسار کر لیا جائے
سن کے اپنے ضمیر کی آواز
خود کو کیوں شرمسار کر لیا جائے
راجیش ریڈی 
(519) ووٹ وصول ہوئے
In Urdu By Famous Poet Rajesh Reddy. is written by Rajesh Reddy. Enjoy reading Poem on Inspiration for Students, Youth, Girls and Boys by Rajesh Reddy. Free Dowlonad by Rajesh Reddy in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends