حاصل کا سفر
تنہائی کی خاموشی میں
جی بے کار الجھتا ہے
زار و پریشاں رہتا ہوں
لیکن لوگوں کے جمگھٹ میں
اک مہمل سے شور و غل میں
شخصیت سمجھوتے کے تیزاب میں حل ہو جاتی ہے
دل ہوتا ہے اور پشیماں
تنہائی کی خاموشی میں
بھوت شکست و ناکامی کے
اک اک کر کے مجھ سے جب بھی محو تکلم ہوتے ہیں
مجھ کو اپنا اونچا سا قد چھوٹا چھوٹا لگتا ہے
میں اک ذرہ ایک ستارہ بن جاتا ہوں
لیکن میں وہ تارہ کب ہوں
کب ان تاروں میں شامل ہوں
لے کے اجالا جو مانگے کا
اپنی آب بڑھانے کی ناحق سی کوشش کرتے ہیں
تنہائی کی خاموشی!
یہ گھونٹ ہے اک زہر قاتل کا
گھونٹ ہے اک امرت کا بھی یہ
گھونٹ میں دونوں پی لیتا ہوں
رات گئے اجلے بستر پر
سو جاتا ہوں
پہلی کرن کے ساتھ
سنہری پگڈنڈی کا ہو جاتا ہوں
راج نرائن راز 
(561) ووٹ وصول ہوئے
In Urdu By Famous Poet Raj Narayan Raaz. is written by Raj Narayan Raaz. Enjoy reading Poem on Inspiration for Students, Youth, Girls and Boys by Raj Narayan Raaz. Free Dowlonad by Raj Narayan Raaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends