حصار ذات سے نکلوں تو تجھ سے بات کروں
حصار ذات سے نکلوں تو تجھ سے بات کروں
تری صفات کو سمجھوں تو تجھ سے بات کروں
تو کوہسار میں وادی میں دشت و صحرا میں
میں تجھ کو ڈھونڈ نکالوں تو تجھ سے بات کروں
تو شاخ شاخ پہ بیٹھا ہے پھول کی صورت
میں خار خار سے الجھوں تو تجھ سے بات کروں
ترے اشاروں سے بڑھ کر ترا بیاں مبہم
میں تیری بات کو سمجھوں تو تجھ سے بات کروں
تو اتنا دور کہ پہچاننا بھی مشکل ہے
تجھے قریب سے دیکھوں تو تجھ سے بات کروں
جھجک جھجک کے اگر ہو تو بات بات نہیں
میں تیری آنکھ میں جھانکوں تو تجھ سے بات کروں
تو میرا دوست ہے دشمن ہے یا کہ کچھ بھی نہیں
میں تیرے دل کو ٹٹولوں تو تجھ سے بات کروں
یہ موج موج تلاطم پہ ڈوبنا میرا
میں اتفاق سے ابھروں تو تجھ سے بات کروں
زبان قیسؔ پہ ہر وقت تیری باتیں ہیں
زبان قیس جو سیکھوں تو تجھ سے بات کروں
راج کمار قیس 
(572) ووٹ وصول ہوئے
In Urdu By Famous Poet Raj Kumar Qais. is written by Raj Kumar Qais. Enjoy reading Poem on Inspiration for Students, Youth, Girls and Boys by Raj Kumar Qais. Free Dowlonad by Raj Kumar Qais in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends