یہ کربلا ہے نذر بلا ہم ہوئے کہ تم
یہ کربلا ہے نذر بلا ہم ہوئے کہ تم
ناموس قافلہ پہ فدا ہم ہوئے کہ تم
کیوں دجلہ و فرات کے دعوے کہ نہر پر
تشنہ دہن شہید جفا ہم ہوئے کہ تم
مانا کہ سب اجل کے مقابل تھے سر بکف
لیکن شکار تیر قضا ہم ہوئے کہ تم
تم بھی فریب خوردہ سہی پر بصد خلوص
مقتول مکر و صید دغا ہم ہوئے کہ تم
تم شاخ گل سے اڑ کے گئے شاخ گل کی سمت
اپنے نشیمنوں سے جدا ہم ہوئے کہ تم
استاد صبر و نکتہ شناس رضا تھے تم
لیکن قتیل صبر و رضا ہم ہوئے کہ تم
سو بار راستے میں لٹا ہے جو کارواں
اس کارواں کے راہنما ہم ہوئے کہ تم
پیکان نیزہ و رسن و دار ہے گواہ
سر دے کے سر بلند وفا ہم ہوئے کہ تم
پیمان شوق کس نے نباہا قدم قدم
اور حق عاشقی سے ادا ہم ہوئے کہ تم
تم بھی نثار دوست تھے ہم بھی نثار دوست
خود فیصلہ کرو کہ فدا ہم ہوئے کہ تم
تم بھی جلوس موسم گل میں تھے پیش پیش
آوارہ مثل باد صبا ہم ہوئے کہ تم
تم لاکھ ہم سفر تھے پر انصاف تو کرو
یارو ہلاک لغزش پا ہم ہوئے کہ تم
رئیس امروہوی 
(814) ووٹ وصول ہوئے
In Urdu By Famous Poet Rais Amrohvi. is written by Rais Amrohvi. Enjoy reading Poem on Inspiration for Students, Youth, Girls and Boys by Rais Amrohvi. Free Dowlonad by Rais Amrohvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends