جوہی کا پودا
میں اک جوہی کا پودا ہوں
یہ بھی مجھ کو یاد نہیں ہے
میں اس راہ گزر پر کب سے
بس یوں ہی خاموش کھڑا ہوں
مجھ سے یہ پوچھا نہ کسی نے
کیسے ہو کیا سوچ رہے ہو
کیوں آخر خاموش کھڑے ہو
جیسے انہیں کی طرح میں خود بھی
اس آباد حسیں دنیا کی
وحدت کا حصہ ہی نہیں ہوں
جیسے میں زندہ ہی نہیں ہوں
میرے لفظوں کی شاخوں سے
یادوں کی کچھ کلیاں لے لیں
میرے رنگ برنگے نازک
خوابوں کی پنکھڑیاں لے لیں
کیا میرا انجام یہی ہے
کیا بس میرا کام یہی ہے
اپنے خون دل سے یوں ہی
راہوں پر میں پھول کھلاؤں
اور جو چاہے لوٹ لے مجھ کو
میں خاموش رہوں لٹ جاؤں
رک کر کوئی یہ بھی نہ پوچھے
کیسے ہو کیا سوچ رہے ہو
کیوں آخر خاموش کھڑے ہو
راہی معصوم رضا 
(709) ووٹ وصول ہوئے
In Urdu By Famous Poet Rahi Masoom Raza. is written by Rahi Masoom Raza. Enjoy reading Poem on Inspiration for Students, Youth, Girls and Boys by Rahi Masoom Raza. Free Dowlonad by Rahi Masoom Raza in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends