متاع و مال ہوس حب آل سامنے ہے
متاع و مال ہوس حب آل سامنے ہے
شکار خود کو بچا دیکھ جال سامنے ہے
خیال کہنہ مقید ہے تیری سوچوں میں
رہائی دے کہ سزا یرغمال سامنے ہے
مجھے ملال ہے اپنی فلک نشینی پر
یہی عروج کی حد پھر زوال سامنے ہے
رگوں میں خون کے بدلے مچل رہی ہے آگ
زیاں بدن کا نہ جاں کا وبال سامنے ہے
یہی ہے کعبۂ مقصود اسی سے جلوۂ عرش
اٹھا لے چاہ سے قوت حلال سامنے ہے
وہ با کمال سیاق و سباق پر حاوی
گزشتہ اس کی نظر میں مآل سامنے ہے
سزا کی ہمت عالی بھی ہو گئی پسپا
ہزار ہا عرق انفعال سامنے ہے
خلوص سکۂ افتادہ جیب ہستی کا
اٹھا کے ڈال دے دست سوال سامنے ہے
ہمارے صبر کی حد ہم پہ آشکارا ہو
مسببا سبب اشتعال سامنے ہے
مجھے عزیز ہے صحرائے ممکنات کی سیر
یہ اور بات کہ باغ محال سامنے ہے
نظر بخیر ہو راہیؔ کہ بوئے گل کی طرح
چھپا ہے وہ مگر اس کا جمال سامنے ہے
راہی فدائی 
(783) ووٹ وصول ہوئے
In Urdu By Famous Poet Rahi Fidai. is written by Rahi Fidai. Enjoy reading Poem on Inspiration for Students, Youth, Girls and Boys by Rahi Fidai. Free Dowlonad by Rahi Fidai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends