ہر اک فن میں یقیناً طاق ہے وہ
ہر اک فن میں یقیناً طاق ہے وہ
ازل ہی سے بڑا خلاق ہے وہ
جسے تم نے کہا تھا سم قاتل
عزیزم اصل میں تریاق ہے وہ
اسے سنگ تنفر سے نہ رگڑو
سلگ اٹھے گا دل چقماق ہے وہ
غروب صدق کا خدشہ ہے باطل
کہاں منت کش اشراق ہے وہ
جری ابن شرافت نیک لڑکا
قبیلے بھر میں لیکن عاق ہے وہ
بباطن آئنہ ہے قلب اس کا
بظاہر سرور فساق ہے وہ
کہاں سے احتساب نفس ہوگا
حساب دوستاں بے باق ہے وہ
مقفل گھر کھلا ہے اک دریچہ
کسی کی دید کا مشتاق ہے وہ
جہاں رکھی ہے شمع بے ثباتی
مری دیوار جاں کا طاق ہے وہ
عزائم جس سے پسپا ہوں سفر میں
امیر اس کو کہیں قزاق ہے وہ
ہوس بھی کیا کوئی خستہ ستوں ہے
درخت نارسا کی ساق ہے وہ
بنایا اس نے سب کو جفت راہیؔ
مگر ہر زاویہ سے طاق ہے وہ
راہی فدائی 
(510) ووٹ وصول ہوئے
In Urdu By Famous Poet Rahi Fidai. is written by Rahi Fidai. Enjoy reading Poem on Inspiration for Students, Youth, Girls and Boys by Rahi Fidai. Free Dowlonad by Rahi Fidai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends