تیرے کوچے میں جا کے بھول گئے
تیرے کوچے میں جا کے بھول گئے
خود کو ہم یاد آ کے بھول گئے
زخم خنداں ہیں آج بھی میرے
آپ تو مسکرا کے بھول گئے
بحث گو ناصحوں نے اچھی کی
مدعا سٹپٹا کے بھول گئے
جو بھلائے نہ بھولتے تھے ستم
سامنے ان کو پا کے بھول گئے
کون تھے کیا تھے ہم کہاں کے تھے
جانے کس کو بتا کے بھول گئے
ہم تو خیر ان کو بھولتے تھے کہاں
وعدے لیکن وفا کے بھول گئے
ایسے بھی کیا الاؤ بجھتے ہیں
دل کو سمجھا بجھا کے بھول گئے
ہائے آنکھیں تو ہم بھی رکھتے تھے
ہائے ہم تو ملا کے بھول گئے
بھول جاتا ہے آدمی لیکن
آپ نزدیک لا کے بھول گئے
عشق راحیلؔ اسی کو کہتے ہیں
رنج اٹھائے اٹھا کے بھول گئے
راحیل فاروق 
(643) ووٹ وصول ہوئے
In Urdu By Famous Poet Raheel Farooq. is written by Raheel Farooq. Enjoy reading Poem on Inspiration for Students, Youth, Girls and Boys by Raheel Farooq. Free Dowlonad by Raheel Farooq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends