اندر تو خیالوں کے ہو آئے خیال اپنا
اندر تو خیالوں کے ہو آئے خیال اپنا
افشائے حقیقت سے ڈرتا ہے سوال اپنا
کاغذ کی صداقت ہوں گو وقف کتابت ہوں
صفحوں سے عبارت ہوں کھلنا ہے محال اپنا
آئینہ ہے ذات اپنی معمور ہوں جلووں سے
مستور ہے نظروں سے ہر چند جمال اپنا
خوش ہے کہ جو ٹوٹی ہے آخر کوئی شے ہوگی
خود میں نظر آتا ہے شیشے کو جو بال اپنا
پردے نے کہا مجھ کو پردے نے سنا مجھ کو
نغمہ ہوں سمجھتا ہوں اتنا ہی کمال اپنا
غنچے میں رہا ہوں میں تنکے میں ڈھلا ہوں میں
کرنوں کی دعا ہوں میں شعلہ ہے مآل اپنا
اے ہم نظرو ٹھہرو کیا ہو جو بر آمد ہو
ہر گوشۂ خلوت سے اک نقش خیال اپنا
تہہ سطح تک آ پہنچی اک موج نہ ہاتھ آئی
کب تک یہ مہم آخر اب کھینچ لوں جال اپنا
خوشبو سے محبؔ کھیلو کیا عود کو روتے ہو
اس عہد کی نظروں سے مخفی ہے ملال اپنا
محب عارفی 
(595) ووٹ وصول ہوئے
Andar To KHayalon Ke Ho Aae KHayal Apna In Urdu By Famous Poet Muhib Aarfi. Andar To KHayalon Ke Ho Aae KHayal Apna is written by Muhib Aarfi. Enjoy reading Andar To KHayalon Ke Ho Aae KHayal Apna Poem on Inspiration for Students, Youth, Girls and Boys by Muhib Aarfi. Free Dowlonad Andar To KHayalon Ke Ho Aae KHayal Apna by Muhib Aarfi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends