عجب بے کیف ہے راتوں کی تنہائی کئی دن سے
عجب بے کیف ہے راتوں کی تنہائی کئی دن سے
کسی کی یاد بھی دل میں نہیں آئی کئی دن سے
بہت مغموم ہے شان مسیحائی کئی دن سے
بڑھی جاتی ہے زخم دل کی گہرائی کئی دن سے
کلی نے بھی اڑایا تھا مذاق گریۂ شبنم
پڑی ہے خاک پر خشک اور مرجھائی کئی دن سے
چرا لائی ہے شاید نکہت گل صحن گلشن سے
نسیم صبح کیوں پھرتی ہے گھبرائی کئی دن سے
خدا جانے یہ اب کیا ہو گیا ہم بد نصیبوں کو
کہ تیرے غم کی لذت بھی نہ راس آئی کئی دن سے
ادھر بھی اک نظر اے مالک ویرانہ و گلشن
ترے کوچے میں پھرتا ہے یہ سودائی کئی دن سے
شہید عشق کی یہ موت ہے یا زندگی یا رب
نہیں معلوم کیوں بجتی ہے شہنائی کئی دن سے
قیامت سے نہیں کم فرقت احباب کا غم بھی
دل مضطر کو روتی ہے شکیبائی کئی دن سے
نظر میں تشنگی لب پر دعائیں دل میں امیدیں
حرم کے گرد پھرتا ہے تمنائی کئی دن سے
دل بیمار سے کیا کہہ دیا ان کی نگاہوں نے
کچھ اب محسوس ہوتی ہے توانائی کئی دن سے
کسی اہل نظر کی پھر انہیں شاید ضرورت ہے
کہ پھر بیتاب ہے شوق خود آرائی کئی دن سے
سنیں ارباب محفل گوش دل سے دل کی آوازیں
کہ ذوقیؔ کر رہا ہے نغمہ پیرائی کئی دن سے
محمد ایوب ذوقی 
(514) ووٹ وصول ہوئے
Ajab Be-kaif Hai Raaton Ki Tanhai Kai Din Se In Urdu By Famous Poet Muhammad Ayyub Zauqi. Ajab Be-kaif Hai Raaton Ki Tanhai Kai Din Se is written by Muhammad Ayyub Zauqi. Enjoy reading Ajab Be-kaif Hai Raaton Ki Tanhai Kai Din Se Poem on Inspiration for Students, Youth, Girls and Boys by Muhammad Ayyub Zauqi. Free Dowlonad Ajab Be-kaif Hai Raaton Ki Tanhai Kai Din Se by Muhammad Ayyub Zauqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends