Jala Diya Hai Ki Isne Bujha Diya Hai Mujhe
jala diya hai ki is ne bujha diya hai mujhe
pa dil ki aag ne kandan bana diya hai mujhe
teri talab ki ata hai ki jis ne misl-e-charagh
hawa-e-dahr mein jalna sikha diya hai mujhe
main sab se dur faqat apne aap mein gum tha
kisi ke qurb ne sab se mila diya hai mujhe
main ek zarra-e-nachiz kaenat mein tha
ye kaenat sa kis ne bana diya hai mujhe
so ab main ohda-e-duniya se kya gharaz rakhun
kisi ne mansab-e-dil par biTha diya hai mujhe
tamam umr jo rakkhega zist ko raushan
teri nazar ne wo manzar dikha diya hai mujhe
main ek dasht tha KHud apne hi sarab mein gum
bas ek mauj ne dariya bana diya hai mujhe
Mubeen Mirza 
(1053) Peoples Rate This