Mahfilon Mein Zikr Us Ka Jab ChhiDa Mere Liye
mahfilon mein zikr us ka jab chhiDa mere liye
puchhta har ek se dil kya kaha mere liye
kya maraThi aur urdu zist ke mizan mein
ek ghar pani hai to duje hawa mere liye
jab kabhi aawaz di tu ne mujhe to ye laga
dair ki ho ghanTiyan teri sada mere liye
safha-e-hasti pe likkha be-KHudi mein ek nam
sans lene ka sabab wo ban gaya mere liye
jab kaha us ne ki do hai jism apne ek jaan
ye purana khel par khela naya mere liye
Monika Singh 
(1062) Peoples Rate This