وعدۂ وصلت سے دل ہو شاد کیا
وعدۂ وصلت سے دل ہو شاد کیا
تم سے دشمن کی مبارک باد کیا
کچھ قفس میں ان دنوں لگتا ہے جی
آشیاں اپنا ہوا برباد کیا
نالۂ پیہم سے یاں فرصت نہیں
حضرت ناصح کریں ارشاد کیا
ہیں اسیر اس کے جو ہے اپنا اسیر
ہم نہ سمجھے صید کیا صیاد کیا
شوخ بازاری تھی شیریں بھی مگر
ورنہ فرق خسرو و فرہاد کیا
نشۂ الفت سے بھولے یار کو
سچ ہے ایسی بے خودی میں یاد کیا
نالہ اک دم میں اڑا ڈالے دھوئیں
چرخ کیا اور چرخ کی بنیاد کیا
جب مجھے رنج دل آزاری نہ ہو
بے وفا پھر حاصل بیداد کیا
پانوں تک پہنچی وہ زلف خم بہ خم
سرو کو اب باندھئے آزاد کیا
کیا کروں اللہ سب ہیں بے اثر
ولولہ کیا نالہ کیا فریاد کیا
ان نصیبوں پر کیا اختر شناس
آسماں بھی ہے ستم ایجاد کیا
روز محشر کی توقع ہے عبث
ایسی باتوں سے ہو خاطر شاد کیا
گر بہائے خون عاشق ہے وصال
انتقام زحمت جلاد کیا
بت کدہ جنت ہے چلیے بے ہراس
لب پہ مومنؔ ہرچہ بادا باد کیا
مومن خاں مومن 
(802) ووٹ وصول ہوئے
Wada-e-waslat Se Dil Ho Shad Kya In Urdu By Famous Poet Momin Khan Momin. Wada-e-waslat Se Dil Ho Shad Kya is written by Momin Khan Momin. Enjoy reading Wada-e-waslat Se Dil Ho Shad Kya Poem on Inspiration for Students, Youth, Girls and Boys by Momin Khan Momin. Free Dowlonad Wada-e-waslat Se Dil Ho Shad Kya by Momin Khan Momin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends