خواب ہستی
وہ زمانے اور تھے جب تیرا غم سہتا تھا میں
جب ترے ہونٹوں کی رنگینی سے کچھ کہتا تھا میں
جب ترے بالوں سے گھنٹوں کھیلتا رہتا تھا میں
بھول جا اے دوست وہ رنگیں زمانے بھول جا
یک بیک بجلی سی چمکی اور نشیمن لٹ گیا
تو نے برسوں جس کو سینچا تھا وہ گلشن لٹ گیا
تو نے موتی جس میں ٹانکے تھے وہ دامن لٹ گیا
بھول جا اے دوست وہ رنگیں زمانے بھول جا
تجھ کو جس دل سے محبت تھی وہ اب دل ہی نہیں
رقص جس کا تجھ کو بھاتا تھا وہ بسمل ہی نہیں
رنگ محفل تجھ سے کیا کہیے وہ محفل ہی نہیں
بھول جا اے دوست وہ رنگیں زمانے بھول جا
اب نہ وہ شوق تصور، اب نہ وہ ذوق فغاں
مٹ رہے ہیں رفتہ رفتہ عہد رفتہ کے نشاں
دھندلی دھندلی سی نظر آتی ہیں کچھ پرچھائیاں
بھول جا اے دوست وہ رنگیں زمانے بھول جا
یہ جوانی، یہ پریشانی، یہ پیہم اضطراب
بارہا الجھن میں دوڑا ہوں سوئے جام شراب
بارہا گھبرا کے چھیڑا ہے گناہوں کا رباب
بھول جا اے دوست وہ رنگیں زمانے بھول جا
رنگ صہبا اور ہے صہبا کی مستی اور ہے
ذکر پستی اور ہے احساس پستی اور ہے
خواب ہستی اور ہے تعبیر ہستی اور ہے
بھول جا اے دوست وہ رنگیں زمانے بھول جا
معین احسن جذبی 
(745) ووٹ وصول ہوئے
KHwab-e-hasti In Urdu By Famous Poet Moin Ahsan Jazbi. KHwab-e-hasti is written by Moin Ahsan Jazbi. Enjoy reading KHwab-e-hasti Poem on Inspiration for Students, Youth, Girls and Boys by Moin Ahsan Jazbi. Free Dowlonad KHwab-e-hasti by Moin Ahsan Jazbi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends