آزار
کیا خبر تھی یہ ترے پھول سے بھی نازک ہونٹ
زہر میں ڈوبیں گے کمھلائیں گے مرجھائیں گے
کس کو معلوم تھا یہ حشر تری آنکھوں کا
نور کے سوتے بھی تاریکی میں کھو جائیں گے
تیری خاموش وفاؤں کا صلہ کیا ہوگا
میرے ناکردہ گناہوں کی سزا کیا ہوگی
قہقہے ہوں گے کہ اشکوں کی ترنم ریزی
دل وحشی ترے جینے کی ادا کیا ہوگی
کوئی الجھا ہوا نغمہ کوئی سلجھا ہوا گیت
کون جانے لب شاعر کی نوا کیا ہوگی
ہاں مگر دل ہے کہ دھڑکے ہی چلا جاتا ہے
اس سے بڑھ کر کوئی توہین وفا کیا ہوگی
اور یہ شور گرجتے ہوئے طوفانوں کا
ایک سیلاب سسکتے ہوئے انسانوں کا
ہر طرف سیکڑوں بل کھاتی دھویں کی لہریں
ہر طرف ڈھیر جھلستے ہوئے ارمانوں کا
زندگی اور بھی کچھ خوار ہوئی جاتی ہے
اب تو جو سانس ہے آزار ہوئی جاتی ہے
معین احسن جذبی 
(855) ووٹ وصول ہوئے
Aazar In Urdu By Famous Poet Moin Ahsan Jazbi. Aazar is written by Moin Ahsan Jazbi. Enjoy reading Aazar Poem on Inspiration for Students, Youth, Girls and Boys by Moin Ahsan Jazbi. Free Dowlonad Aazar by Moin Ahsan Jazbi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends