Dastaken Sunte Hain Sab Dar Kholta Koi Nahin
dastaken sunte hain sab dar kholta koi nahin
KHauf ghar main is qadar hai bolta koi nahin
ek hujum-e-tairan hai be-sakat be-hausla
baal-o-par hote hue par tolta koi nahin
ai nigar-e-subh teri kar-farmai ki KHair
ab rag-o-pai mein andhere gholta koi nahin
ai kanar-e-bahr ye be-e'tinai kis liye
sipiyan maujud hain aur rolta koi nahin
istaqamat hai qayamat ki sar-e-dariya-e-gham
har safina mauj par hai Dolta koi nahin
Mohsin Ehsan 
(754) Peoples Rate This