اچھا ہے وہ بیمار جو اچھا نہیں ہوتا
اچھا ہے وہ بیمار جو اچھا نہیں ہوتا
جب تجربے ہوتے ہیں تو دھوکا نہیں ہوتا
جس لفظ کو میں توڑ کے خود ٹوٹ گیا ہوں
کہتا بھی تو وہ اس کو گوارا نہیں ہوتا
تیری ہی طرح آتا ہے آنکھوں میں ترا خواب
سچا نہیں ہوتا کبھی جھوٹا نہیں ہوتا
تکذیب جنوں کے لیے اک شک ہی بہت ہے
بارش کا سمے ہو تو ستارا نہیں ہوتا
کیا کیا در و دیوار مری خاک میں گم ہیں
پر اس کو مرا جسم گوارا نہیں ہوتا
یا دل نہیں ہوتا مرے ہونے کے سبب سے
یا دل کے سبب سے مرا ہونا نہیں ہوتا
کس رخ سے تیقن کو طبیعت میں جگہ دیں
ایسا نہیں ہوتا کبھی ویسا نہیں ہوتا
ہم لوگ جو کرتے ہیں وہ ہوتا ہی نہیں ہے
ہونا جو نظر آتا ہے ہونا نہیں ہوتا
جس دن کے گزرتے ہی یہاں رات ہوئی ہے
اے کاش وہ دن میں نے گزارا نہیں ہوتا
جب ہم نہیں ہوتے یہاں آتے ہیں تغیر
جب ہم یہاں ہوتے ہیں زمانا نہیں ہوتا
ہم ان میں ہیں جن کی کوئی ہستی نہیں ہوتی
ہم ٹوٹ بھی جائیں تو تماشا نہیں ہوتا
محسن اسرار 
(909) ووٹ وصول ہوئے
Achchha Hai Wo Bimar Jo Achchha Nahin Hota In Urdu By Famous Poet Mohsin Asrar. Achchha Hai Wo Bimar Jo Achchha Nahin Hota is written by Mohsin Asrar. Enjoy reading Achchha Hai Wo Bimar Jo Achchha Nahin Hota Poem on Inspiration for Students, Youth, Girls and Boys by Mohsin Asrar. Free Dowlonad Achchha Hai Wo Bimar Jo Achchha Nahin Hota by Mohsin Asrar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends