شاعر
جھوٹھے شاعر یہ غور سے سن لیں
شاعری سب کے بس کی بات نہیں
یہ وہ الہام ہے کے جس کے لئے
رب ہی چنتا ہے اپنے بندوں میں
ایسے بندوں کو جن کے سینے میں
درد ہوتا ہے سارے عالم کا
جو محبت کی بات کرتے ہیں
جو اخوت کی بات کرتے ہیں
جو صداقت کی بات کرتے ہیں
ظلم کے سامنے کھڑے ہو کر
جو بغاوت کی بات کرتے ہیں
مفلسوں اور غم کے ماروں کی
جو حمایت کی بات کرتے ہیں
نا امیدی کے گھپ اندھیروں میں
جو دیے آس کے جلاتے ہیں
بغض رکھتے نہیں جو سینے میں
دشمنوں کو گلے لگاتے ہیں
سارے عالم میں امن کی خاطر
رات دن خون دل جلاتے ہیں
جن کو شہرت کی آس ہوتی نہیں
جن کو دولت کی آس ہوتی نہیں
شان و شوکت کی آس ہوتی نہیں
جو قلندر کی طرح جیتے ہیں
جو فقیروں کی طرح رہ کر بھی
بادشاہوں کی طرح جیتے ہیں
جھوٹھے شاعر یہ غور سے سن لیں
شاعر بے نوا کے سینے پر
شعر اترتے ہیں آیتوں کی طرح
محسن آفتاب کیلاپوری 
(597) ووٹ وصول ہوئے
Shaer In Urdu By Famous Poet Mohsin Aftab Kelapuri. Shaer is written by Mohsin Aftab Kelapuri. Enjoy reading Shaer Poem on Inspiration for Students, Youth, Girls and Boys by Mohsin Aftab Kelapuri. Free Dowlonad Shaer by Mohsin Aftab Kelapuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends