ہمارے دل میں یادوں کو سلیقے سے رکھا جائے
ہمارے دل میں یادوں کو سلیقے سے رکھا جائے
کہ اس کمرے میں پھولوں کو سلیقے سے رکھا جائے
مسیحائی کی پھر کوئی ضرورت ہی نہیں پڑتی
اگر زخموں پہ اشکوں کو سلیقے سے رکھا جائے
دلوں کی حکمرانی کا یہ اک اچھا طریقہ ہے
ہر اک جملے میں لفظوں کو سلیقے سے رکھا جائے
ادب ہے دین و دنیا ہے چھپا ہے علم بھی اس میں
مرے بچو کتابوں کو سلیقے سے رکھا جائے
ترا یہ گھر لگے گا خوب صورت اے مرے بھائی
اگر ان سارے رشتوں کو سلیقے سے رکھا جائے
وہ جانے والا جانے کون سے پل لوٹ کر آئے
ابھی رستے پہ آنکھوں کو سلیقے سے رکھا جائے
برستی ہے خدا کی رحمتیں ان کی دعاؤں سے
گھروں میں سب بزرگوں کو سلیقے سے رکھا جائے
غریبی دیکھتی رہتی ہے حسرت سے کھڑی ہو کر
دکانوں میں کھلونوں کو سلیقے سے رکھا جائے
پڑوسی کا بھی حق ہے تجھ پہ اتنا یاد رکھ محسنؔ
منڈیروں پر چراغوں کو سلیقے سے رکھا جائے
محسن آفتاب کیلاپوری 
(558) ووٹ وصول ہوئے
Hamare Dil Mein Yaadon Ko Saliqe Se Rakha Jae In Urdu By Famous Poet Mohsin Aftab Kelapuri. Hamare Dil Mein Yaadon Ko Saliqe Se Rakha Jae is written by Mohsin Aftab Kelapuri. Enjoy reading Hamare Dil Mein Yaadon Ko Saliqe Se Rakha Jae Poem on Inspiration for Students, Youth, Girls and Boys by Mohsin Aftab Kelapuri. Free Dowlonad Hamare Dil Mein Yaadon Ko Saliqe Se Rakha Jae by Mohsin Aftab Kelapuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends