نہ دی انگریز نے غالبؔ کو پنشن
بہت ہوں جان سے بیزار یارو
ہوئی تعلیم دل پر بار یارو
مجھے بننا نہیں فن کار یارو
ثریا سے ہے مجھ کو پیار یارو
مجھے کرنی ہے دل کی بات منشن
اٹنشن اے دل ناداں اٹنشن
ہے بھوتک شاستر میں اک چیز لائٹ
کریں گر تجربہ جاتی ہے سائٹ
عجب ہوتی ہے کچھ رنگوں میں فائٹ
کہ مل کر سات ہو جاتے ہیں وائٹ
منگاؤ میگنٹ دیکھو ڈٹنشن
اٹنشن اے دل ناداں اٹنشن
چلو اب پیریڈ مہندی کا آیا
کہیں درشن کہیں روپک کی چھایا
گرو نے سورٹھا جم کر پڑھایا
ہماری تو سمجھ میں کچھ نہ آیا
کبیرؔ اور سورؔ میں رہتا ہے ٹنشن
اٹنشن اے دل ناداں اٹنشن
ہر اک سائنس کا چھیکا گڑنت ہے
بڑا دشمن مرے جی کا گڑنت ہے
تپ دق کا نیا ٹیکا گڑنت ہے
نمک بالکل نہیں پھیکا گڑنت ہے
بڑھا جاتا ہے ہر اسٹپ پہ ٹنشن
اٹنشن اے دل ناداں اٹنشن
ہے اردو کا بھی لمبا پیر ساقی
بناتی ہے حرم کو دیر ساقی
کہیں مومنؔ کا ذکر خیر ساقی
کہیں ناسخؔ کی حالت غیر ساقی
نہ دی انگریز نے غالبؔ کو پنشن
اٹنشن اے دل ناداں اٹنشن
محمد یوسف پاپا 
(602) ووٹ وصول ہوئے
Na Di Angrez Ne Ghaalib Ko Pension In Urdu By Famous Poet Mohammad Yusuf Papa. Na Di Angrez Ne Ghaalib Ko Pension is written by Mohammad Yusuf Papa. Enjoy reading Na Di Angrez Ne Ghaalib Ko Pension Poem on Inspiration for Students, Youth, Girls and Boys by Mohammad Yusuf Papa. Free Dowlonad Na Di Angrez Ne Ghaalib Ko Pension by Mohammad Yusuf Papa in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends