مرے سینے سے رنج و غم کی طغیانی نہیں جاتی
مرے سینے سے رنج و غم کی طغیانی نہیں جاتی
الٰہی کیا کروں دل کی پریشانی نہیں جاتی
مجھے غیروں کے جھوٹے دعوئ الفت سے کیا مطلب
غضب یہ ہے مری حق بات بھی مانی نہیں جاتی
کیا اس چشم عشق افروز نے برباد دنیا میں
مگر پھر بھی نظر کی فتنہ سامانی نہیں جاتی
تحیر ہے محبت کے نتائج تو نے دیکھے ہیں
مگر افسوس اے دل تیری نادانی نہیں جاتی
پڑے ہیں پیچ سنبل میں یہاں آئینہ حیراں ہے
تعجب ہے کہ گیسو کی پریشانی نہیں جاتی
جہاں میں ہر طرف سامان عشرت بھی مہیا ہے
سبب کیا ہے مری غم کی فراوانی نہیں جاتی
دلایا یاد اس پیماں شکن کو وعدہ کیوں میں نے
پریشاں ہوں کسی صورت پشیمانی نہیں جاتی
ہزاروں نامور آ کر بسے شہر خموشاں میں
مگر اس سر زمیں کی پھر بھی ویرانی نہیں جاتی
پئے دریافت اسرار حقیقت سب ہیں سرگرداں
فلک کے پار لیکن عقل انسانی نہیں جاتی
نتیجہ نیک ہے ایثار کا دنیا و عقبیٰ میں
حقیقت میں کبھی بے کار قربانی نہیں جاتی
اثر کیا خاک ہو میری فغاں کا اس پہ اے حافظؔ
مری آواز تک اس گھر میں پہچانی نہیں جاتی
محمد ولایت اللہ 
(759) ووٹ وصول ہوئے
Mere Sine Se Ranj-o-gham Ki Tughyani Nahin Jati In Urdu By Famous Poet Mohammad Wilayatullah. Mere Sine Se Ranj-o-gham Ki Tughyani Nahin Jati is written by Mohammad Wilayatullah. Enjoy reading Mere Sine Se Ranj-o-gham Ki Tughyani Nahin Jati Poem on Inspiration for Students, Youth, Girls and Boys by Mohammad Wilayatullah. Free Dowlonad Mere Sine Se Ranj-o-gham Ki Tughyani Nahin Jati by Mohammad Wilayatullah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends