ڈرتا ہوں عرض حال سے دھوکا نہ ہو کہیں
ڈرتا ہوں عرض حال سے دھوکا نہ ہو کہیں
وہ روٹھ جائیں اور بھی ایسا نہ ہو کہیں
کب تک تلاش دل کی کروں اور کہاں کہاں
زلفوں میں دیکھ لیجئے الجھا نہ ہو کہیں
قاصد مرے مکاں کی طرف سے گیا جو آج
ہوتا ہے شک مجھے کہ بلایا نہ ہو کہیں
ہو جائے جل کے خاک نہ خود یہ مرا وجود
ڈرتا ہوں آہ کا اثر الٹا نہ ہو کہیں
دل لے کے اپنے پاس بلائیں وہ کس لئے
یہ بھی تو سوچتے ہیں تقاضا نہ ہو کہیں
اے شیخ تیری بات کا کیا اعتبار ہو
پردے میں اس عبا کے بھی دنیا نہ ہو کہیں
مدت ہوئی کہ دل کو قرار و سکوں نہیں
پھرتا ہے جیسے اس کا ٹھکانا نہ ہو کہیں
ان کا مریض غم ہے کئی دن سے جاں بہ لب
وہ دل میں سوچتے ہیں بہانہ نہ ہو کہیں
کوئے بتاں میں تیرا گزر ہے جو بار بار
اے دل تو ایسی باتوں سے رسوا نہ ہو کہیں
حافظؔ کی چشم تر پہ نظر چاہئے ضرور
یہ تار اشک دیکھیے دریا نہ ہو کہیں
محمد ولایت اللہ 
(589) ووٹ وصول ہوئے
Darta Hun Arz-e-haal Se Dhoka Na Ho Kahin In Urdu By Famous Poet Mohammad Wilayatullah. Darta Hun Arz-e-haal Se Dhoka Na Ho Kahin is written by Mohammad Wilayatullah. Enjoy reading Darta Hun Arz-e-haal Se Dhoka Na Ho Kahin Poem on Inspiration for Students, Youth, Girls and Boys by Mohammad Wilayatullah. Free Dowlonad Darta Hun Arz-e-haal Se Dhoka Na Ho Kahin by Mohammad Wilayatullah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends