بحر ہستی سے بھی جی گھبرا گیا
بحر ہستی سے بھی جی گھبرا گیا
بے کسی بس اب کنارا آ گیا
کم ہوا کرتے ہیں ایسے خوش نصیب
تجھ پہ مر کر جن کو جینا آ گیا
میرا مٹ جانا تماشا تھا کوئی
آپ سے یہ کس طرح دیکھا گیا
دکھ بھرے دل کی کہانی کچھ نہ پوچھ
پھول کے ہنسنے پہ رونا آ گیا
صبح کرنا شام غم کا الاماں
شمع کو دانتوں پسینہ آ گیا
خوش رہو تم چل بسا بیمار غم
عمر بھر کی الجھنیں سلجھا گیا
راہ الفت میں ہے مرنا زندگی
درد منزل تک مجھے پہنچا گیا
موسم گل بھی ہے آنکھوں میں خزاں
دل ہی کیا بیٹھا چمن مرجھا گیا
وہ ہوئے کیا آنکھ سے عارفؔ نہاں
ساری دنیا میں اندھیرا چھا گیا
محمد عثمان عارف 
(510) ووٹ وصول ہوئے
Bahr-e-hasti Se Bhi Ji Ghabra Gaya In Urdu By Famous Poet Mohammad Usmaan Arif. Bahr-e-hasti Se Bhi Ji Ghabra Gaya is written by Mohammad Usmaan Arif. Enjoy reading Bahr-e-hasti Se Bhi Ji Ghabra Gaya Poem on Inspiration for Students, Youth, Girls and Boys by Mohammad Usmaan Arif. Free Dowlonad Bahr-e-hasti Se Bhi Ji Ghabra Gaya by Mohammad Usmaan Arif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends