زاویے
مجھے تو بے سکوں سا کر گیا اس شوخ کا کہنا
حقیقت کے ترازو میں کبھی تولا ہے جذبوں کو
محبت کے تقدس کا بھرم رکھا کبھی تو نے
کبھی بے ساختہ لپٹا ہے محروم صباحت سے
کبھی حال کجی پوچھا ہے مسحور قباحت سے
کبھی دشت جنوں پاٹا ہے جذبات ارادت سے
کبھی صرصر سے تلخی کا سبب پوچھا متانت سے
کبھی ترجیح دی خاک چمن پر ریگ صحرا کو
گل و بلبل سے ہٹ کر بھی کبھی دیکھا ہے فطرت کو
گل و بلبل بجا لیکن چمن میں خار بھی تو ہے
صباحت وقف گلشن ہی نہیں کہسار بھی تو ہیں
کئی پوشیدہ از فکر و نظر شہکار بھی تو ہیں
غلط ہیں ناصیہ فرسائیاں تیری طلب تیری
تری راہیں جدا ہیں اہل دل سے اہل حسرت سے
ترا حسن نظر محدود ہے ذاتی مقاصد تک
تری یہ شپرہ چشمی ہی تجھے برباد کر دے گی
محمد تنویرالزماں 
(526) ووٹ وصول ہوئے
Zawiye In Urdu By Famous Poet Mohammad Tanviruzzaman. Zawiye is written by Mohammad Tanviruzzaman. Enjoy reading Zawiye Poem on Inspiration for Students, Youth, Girls and Boys by Mohammad Tanviruzzaman. Free Dowlonad Zawiye by Mohammad Tanviruzzaman in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends