آرزو
خدایا آرزو میری یہی ہے
یہ حسرت دل میں کروٹ لے رہی ہے
بنوں کمزور لوگوں کا سہارا
دکھی لوگوں کو دوں ہر دم دلاسا
ضعیفوں بے کسوں کے کام آؤں
غریبوں مفلسوں کے کام آؤں
میں اپنے دوستوں کا دکھ اٹھاؤں
جو روٹھے ہوں انہیں ہنس کر مناؤں
برائی سے سدا لڑتا رہوں میں
بھلا ہر کام ہی کرتا رہوں میں
ہمیشہ علم سے رکھوں میں الفت
کتابوں سے سدا رکھوں محبت
جو بھٹکے ہوں انہیں منزل دکھاؤں
جو اندھے ہوں انہیں رستہ بتاؤں
کروں ماں باپ کی دل سے میں خدمت
رکھوں استاد سے اپنے محبت
بزرگوں کی نصیحت پر کروں میں
میں نفرت کے چراغوں کو بجھاؤں
دیا امن و محبت کا جلاؤں
کروں اپنے وطن کی پاسبانی
عطا کرنا مجھے وہ نوجوانی
خدایا آرزو کر دے یہ پوری
یہی بس التجا ہے تجھ سے میری
محمد شرف الدین ساحل 
(839) ووٹ وصول ہوئے
Aarzu In Urdu By Famous Poet Mohammad Sharfuddin Sahil. Aarzu is written by Mohammad Sharfuddin Sahil. Enjoy reading Aarzu Poem on Inspiration for Students, Youth, Girls and Boys by Mohammad Sharfuddin Sahil. Free Dowlonad Aarzu by Mohammad Sharfuddin Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends