کوئی یہ اقبالؔ سے جا کر ذرا پوچھے ضیاؔ
کوئی یہ اقبالؔ سے جا کر ذرا پوچھے ضیاؔ
مدتوں سے کیوں تری بانگ درا خاموش ہے
ایک عرصہ ہو گیا نغمے نہیں فردوس گوش
تشنۂ ساز لب اقبالؔ ہر اک گوش ہے
بزم ہستی میں وہی اب تک ہے پیدا انتشار
خود ہی مسلم مضطرب ہے خود مصیبت کوش ہے
اس گلستاں میں مناظر کا وہی ہے رنگ بھی
دیکھنے والا فریب دید میں مدہوش ہے
خوں شہیدوں کا رواں ہے جنگ کے میدان میں
اور غازی کی زباں پر نعرۂ پر جوش ہے
کیا قلم جولانیاں اپنی دکھا سکتا نہیں
وہ قلم جس کی نوا بھی صور کی ہم دوش ہے
کیا ترے جذبات کے شعلے بھڑک سکتے نہیں
کیا ترا وہ گلخن پر سوز اب گل پوش ہے
کیا ابھی باقی ہے تیری روح میں اگلی تڑپ
آ میں دیکھوں اب بھی کیا سینے میں تیرے جوش ہے
حشر ہے عالم میں برپا اور تو ہے مطمئن
شور ہے محفل میں پیدا اور تو خاموش ہے
جاگ اٹھی قوم تیرے نغمۂ بیدار سے
پہلے وہ بے ہوش تھی اور آج تو بے ہوش ہے
کند تلواریں ہوئیں عہد زرہ پوشی گیا
جاگ اٹھ غفلت سے وقت خود فراموشی گیا
محمد صادق ضیا 
(623) ووٹ وصول ہوئے
Koi Ye Iqbaal Se Ja Kar Zara Puchhe Ziya In Urdu By Famous Poet Mohammad Sadiq Zia. Koi Ye Iqbaal Se Ja Kar Zara Puchhe Ziya is written by Mohammad Sadiq Zia. Enjoy reading Koi Ye Iqbaal Se Ja Kar Zara Puchhe Ziya Poem on Inspiration for Students, Youth, Girls and Boys by Mohammad Sadiq Zia. Free Dowlonad Koi Ye Iqbaal Se Ja Kar Zara Puchhe Ziya by Mohammad Sadiq Zia in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends