جواز
پیارے بچو پتا ہے خدا نے تمہیں کیوں بنایا ہے
اس لیے کہ تم وجہ بے وجہ مسکراؤ
اور الجھنوں اور بکھیڑوں میں پڑے ماں باپ کو مسکرانے پر مجبور کر دو
پیارے لڑکو پتا ہے خدا نے تمہیں کیوں بنایا ہے
اس لیے کہ تم ہر ہر اس مہم میں بے خطر کود پڑو جو بڑے سر کرنا چاہتے تھے
لیکن بزدلی یا خوف کی وجہ سے نہ کر سکے
پیاری لڑکیو پتا ہے خدا نے تمہیں کیوں بنایا ہے
اس لیے کہ تم زندگی کا دامن حسن دو عالم سے بھر دو
اور ویرانوں میں بھی قدم رکھو تو وہاں چپکے سے بہار آ جائے
پیاری عورتو پتا ہے خدا نے تمہیں کیوں بنایا ہے
اس لیے کہ تم محبت کے جادو سے زمین کے سینے کو پاک کر دو
نفرت سے نفاق سے ناامیدی ہے
پیارے مردو پتا ہے خدا نے تمہیں کیوں بنایا ہے
اس لیے کہ تم ہاتھوں میں ہاتھ ڈال کر اور سروں سے سر جوڑ کر حفاظت کرو
امن کی آزادی کی انصاف کی
پیارے بزرگو پتا ہے خدا نے تمہیں کیوں بنایا ہے
اس لیے کہ تم کاٹ سکو جو تم نے بویا تھا
اور آنے والی نسلوں کو منہ بھر کے بتا سکو کہ انہیں کیا بونا چاہئے
محمد حنیف رامے 
(573) ووٹ وصول ہوئے
Jawaz In Urdu By Famous Poet Mohammad Haneef Rame. Jawaz is written by Mohammad Haneef Rame. Enjoy reading Jawaz Poem on Inspiration for Students, Youth, Girls and Boys by Mohammad Haneef Rame. Free Dowlonad Jawaz by Mohammad Haneef Rame in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends