Ghair Ke KHat Mein Mujhe Un Ke Payam Aate Hain
ghair ke KHat mein mujhe un ke payam aate hain
koi mane ya na mane mere nam aate hain
aafiyat-kosh musafir jinhen manzil samjhen
ishq ki rah mein aise bhi maqam aate hain
ab mere ishq pe tohmat hai hawas-kari ki
muskuraate hue ab wo lab-e-baam aate hain
ab nae rang ke sayyaad hain is gulshan mein
said ke sath jo baDh ke tah-e-baam aate hain
dawar-e-hashr mera nama-e-amal na dekh
is mein kuchh parda-nashinon ke bhi nam aate hain
jin ko KHalwat mein bhi 'tasir' na dekha tha kabhi
mahfil-e-ghair mein ab wo sar-e-am aate hain
Mohammad Deen Taseer 
(1411) Peoples Rate This