چھٹی کا زمانہ
اسکول بند ہیں سب اب سیر کو ہے جانا
لکھنا ہے اب نہ پڑھنا بس چھٹیاں منانا
بستہ کتاب کاپی سب چھٹیاں منائیں
بار گراں سے ان کے ہم بھی نجات پائیں
بستے میں جو بندھا ہے اس کو جہاں میں دیکھیں
کیا کیا کہاں چھپا ہے آؤ پتہ لگائیں
سنتے ہیں کچھ عجب ہے دنیا کا کارخانہ
لکھنا ہے اب نہ پڑھنا بس چھٹیاں منانا
آؤ سنیں کہانی کوئی نئی پرانی
نانی سنائیں یا پھر دادی کی ہو زبانی
اک راکشس بھی آئے ہو خوب کھینچا تانی
ایسی لڑائی ہو کہ آ جائے یاد نانی
پھر خاتمہ میں آ کر دشمن کا ہار جانا
لکھنا ہے اب نہ پڑھنا بس چھٹیاں منانا
بس کھیلنے کی خاطر یہ چھٹیاں ملی ہیں
ہر سو کھلاڑیوں کی کچھ ٹولیاں بنی ہیں
لہرا رہے ہیں بلے گیندیں اچھل رہی ہیں
فٹ بال کی بھی ٹیمیں میداں میں آ گئی ہیں
تگڑا مقابلہ ہے کچھ کر کے ہے دکھانا
لکھنا ہے اب نہ پڑھنا بس چھٹیاں منانا
ہر سمت ہر ڈگر پر چھٹی کا راج قائم
آنکھوں میں جھلملاتے ہیں سیر کے عزائم
جی چاہتا ہے صدیوں زندہ رہیں یہاں ہم
قائم رہے یہ چھٹی دائم رہے یہ موسم
بس سوچ ہی تو ہے یہ ممکن نہیں یہ مانا
لکھنا ہے اب نہ پڑھنا بس چھٹیاں منانا
محمد اسد اللہ 
(850) ووٹ وصول ہوئے
ChhuTTi Ka Zamana In Urdu By Famous Poet Mohammad Asadullah. ChhuTTi Ka Zamana is written by Mohammad Asadullah. Enjoy reading ChhuTTi Ka Zamana Poem on Inspiration for Students, Youth, Girls and Boys by Mohammad Asadullah. Free Dowlonad ChhuTTi Ka Zamana by Mohammad Asadullah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends