جو یوں ہوتا تو کیا ہوتا
یہ مصدر اسم ماضی کا نہیں ہے
آپ کہیے تو بتا دیتے ہیں ہونے کو
جو یوں ہوتا تو کیا ہوتا
نہ ہوتا گر جدا تن سے تو زانو پر دھرا ہوتا
وہ تم سے ابن ملجم کا پتا پوچھیں تو کہنا
چار ہفتوں سے بہت مصروف ہے
روٹی نہیں کھائی
سروں کی فصل بار خشک سالی سے گراں ہے
لوگ مسجد بھی نہیں جاتے
میں اس کو مسجد ضرار کے باہر ملوں گا
وہ گھوڑوں کی طرح تھے
فربہ اندامی پہ مائل
ساتھ والی کھڑکیوں پر ہنہناتے تھے
اب ان کے نعل ٹھونکی جا رہی ہے
میرا گھر جانا ضروری ہے
کہ ایسے میں ہمیشہ چھٹیوں کا کال ہوتا ہے
چلو گھر کی طرف چلتے ہیں
باہر برف باری ہے
میں تم پر نظم لکھوں گا
محبت لڑکیوں کو اصطبل میں چھوڑ آتی ہے
میں تم کو بیچ کھڑکی میں بٹھا کر نظم لکھوں گا
تمہیں آتا تو ہوگا درمیاں سے لوٹنا
میں لوٹنے پر نظم لکھوں گا
یہ مصدر اسم ماضی کا نہیں ہے
تم جو کہہ دو تو بلا لیتے ہیں گھر سے ابن ملجم کو
مجھے اپنی زمین اصطبل کی قسط دینی ہے
اسے بھی کوئی صورت چاہیے گھر سے نکلنے کی
محمد انور خالد 
(607) ووٹ وصول ہوئے
Jo Yun Hota To Kya Hota In Urdu By Famous Poet Mohammad Anvar Khalid. Jo Yun Hota To Kya Hota is written by Mohammad Anvar Khalid. Enjoy reading Jo Yun Hota To Kya Hota Poem on Inspiration for Students, Youth, Girls and Boys by Mohammad Anvar Khalid. Free Dowlonad Jo Yun Hota To Kya Hota by Mohammad Anvar Khalid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends