جی ڈرتا ہے
جی ڈرتا ہے بے غرض محبت کرنے والے
اچھی نسل کے دوستوں سے
انہیں دریا بیچ جواب ملا
یہ کشتی چھ شہتیروں اور دس کیلوں سے
یہیں دریا بیچ بنائی تھی
سو اس میں آگ لگی
جی ڈرتا ہے
تمہیں لوٹ کے آنا اچھا لگا
مجھے چھت کی بیلیں ہری ملیں
انہیں دھوپ نہ دینا جاڑوں میں
یہ بستر میرے گھر کے نہیں
تمہیں فکر ہوئی مجھے خوف آیا
سب جاننا اچھا ہوتا ہے مگر اکثر فرق نہیں پڑتا سب جاننے سے
جب کشتی ڈوبنے لگتی ہے
میں جانتا ہوں
مجھے تیرنا آنا چاہیے تھا
بے غرض محبت کرنے والے اچھی نسل کے دوستوں کی ہم راہی میں
مجھے ان سے الگ
کچھ اپنے لیے بھی سوچنا چاہیے تھا
میں جانتا ہوں
یہ آگ اضافی کوشش تھی
جب کشتی ڈوبنے لگتی ہے تب کشتی ڈوبنے لگتی ہے
اب لوٹ آئے تو فکر کرو
یہ کشتی ڈوب بھی سکتی تھی
یہ بستر بھیگ بھی سکتے تھے
یہ دریا لوٹ بھی سکتا تھا
بے غرض محبت کرنے والے اچھی نسل کے دوستوں کی ہم راہی میں
ہر کام الٹ ہو سکتا تھا
محمد انور خالد 
(648) ووٹ وصول ہوئے
Ji Darta Hai In Urdu By Famous Poet Mohammad Anvar Khalid. Ji Darta Hai is written by Mohammad Anvar Khalid. Enjoy reading Ji Darta Hai Poem on Inspiration for Students, Youth, Girls and Boys by Mohammad Anvar Khalid. Free Dowlonad Ji Darta Hai by Mohammad Anvar Khalid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends